男友叫雞搵SP年底結婚點算好...


  • 各位姊妹, 我好唔開心,心情唔知點咁, 又唔知自己做緊咩!

    我同男朋友拍拖8年已同居, 本來開開心心年底結婚, 我地成日都好開心, 所有朋友都覺得我地好好,一直以為自己找到了幸福 (因為之前的所有感情,我都係被出賣果個,男友有第三者而分開的)。點知前排我電腦壞左,借左現任男友電腦用,我係從來唔查男友好信任的,果日突然見佢郵件無登出,好奇去看一下。睇到d內容全部都係叫雞問價,仲有d係搵性伴侶,佢同人地講佢有老婆,但想有刺激。原來已經係2,3年時間,間斷咁有呢d郵件往來。果日佢出左街,後尾幾日我都好唔開心,因為好晴天霹靂,我未接受到日日訓你隔離既人係咁,覺得好陌生。

    但我地一直相處都係好好的,試過有女人追佢(佢都知我係佢女友),靚條件幾好的,佢都唔理佢,因為咁我地感情更好,而我亦曾有人追,我都唔想破壞到大家呢段好關係,而無比任何機會,即使個男係我想要既條件。

    我男友經濟能力比我差,我一直都有D懷疑自己係咪應該搵個經濟能力好D既,不過因為佢人好,對我好,所以我覺得女人搵老公都唔係有物質先開心,最緊要大家開心愛大家。

    而家發生咁既事,果晚佢知道我唔開心,係咁問咩事,我爆左出來話你做咩叫雞等?佢開頭唔應,之後佢都應左,佢好驚人我知。之後佢再講多D,原來係我地第2年開始已有,因為當時貪玩,而我地段感情又發展太快,佢都好驚,因為佢之前感情都係被出賣既一個。佢話當時有D白痴想法,怕我好似佢以前D女友咁出賣佢,所以佢做左D先出賣我既野,之後近兩年因為工作壓力太大(呢個真既,佢成日唔開心,食唔到野等),我又成日出左街無人陪(佢無咩朋友的,因為好D朋友都出哂國),所以又去左玩呢D抒發,佢話佢明可能係借口,開頭真貪玩,好耐無,係近來工作先咁。

    我地傾好多日,我好矛盾,因為年底結婚,對佢已經好似家人既感覺,而且我都唔細,30中了,如果再搵,可以D男人又係咁,好驚。開唔開心,傾左好耐,佢話唔知點比番安全感我(其實一直好多,只係呢件事令我對佢陌生),佢第二日把自己私人戶口取消哂,比哂D錢我,以後我比錢佢用,因為佢唔知可以做到咩。。但求我結婚。。繼續攪,到時真係唔WORK,無左D錢唔怕,因為佢知佢會做番個好男人。

    我開頭接受左佢既條件,以前我係一個好開心,開朗既人,而家間歇性會唔開心,想喊,唔知自己想點咁,佢都知我有時好情緒,佢話佢明,佢話我地一定可以慢慢修補去番以前咁。

    各位姊妹,我係咪好蠢??有時想佢叫雞都係肉體,好過心靈愛上別人,可以原諒?因為自己又唔細了,佢一直紀錄都好好,所以我選擇左咁。
    有D人會話既然原諒,應放下唔好提,但真係好困難,有時我都會講少說話佢聽,佢都就,佢話知道唔易,不過叫我比最後一次機會佢。

    我矛盾係,大家未結婚已有一條刺,仲可以繼續結婚生仔,開心嗎?大家可唔可比D意見我。有無人原諒過自己男人,後尾都可以開花結果?心態如何?


  • 我上年同你情況一樣,最後我都係選擇離開

  • 高質網民

    結婚是為了面子還是依然喜歡他?


  • 我好明白呀...即係明明你咁多年努力去砌既1千塊砌圖...明明只係差十幾廿塊就砌好,突然間俾人搞亂哂散哂咁
    我同佢依家都好辛苦囉,因為佢知道自己係好錯,佢都好內疚,佢見我唔開心佢又唔知點咁,我朝頭早冇野,
    到夜晚訓覺前又會諗起件事,差不多日日都會喊,情緒好反覆,佢就想我唔好再諗呢件事,叫我諗將來,叫我放低咁囉
    我自己都好明白,決定左跟住佢就應該放低呢件事,唔行出呢一步就冇可能再前行
    我有時又覺得,我咁多年都忍你就你,到今日發生咁既事,我都係要忍,我覺得好無奈,但愛佢又冇辦法...唉
    佢愈話愛我,我就諗唔明點解今日會發生咁既事,佢既情況直頭係成個頭中左落去第二女人度玩到唔記得我咁滯,
    但佢又同我講由頭到尾佢都係玩還玩,我既位置冇任何人可以取代到

  • Voohk Fans Club

    情非得已💔


  • 我睇到佢話"怕你好似佢以前D女友咁出賣佢,所以佢做左D先出賣你既野"既時候我覺得呢個男人真係信唔過..
    佢怕你hurt 佢所以hurt 咗你先呢個原因真係好無理..

    不過佢又比晒啲錢你洗, 又好似真心想改過,
    你又仲鐘意佢想結婚, 咁不如keep住先

    但你記住就算結咗婚都要錫自己多啲,
    因為呢個男人有咩事未必會犠牲自己保護你

  • 高級會員

    無可能接受到,難保結婚後,佢當左你係性伴侶。諗清楚好。結左婚再離婚,對女人來說係一件好沉重的壓力。寧願唔結再搵過,不過最重要係你自己點諗。

  • 榮譽會員

    佢想玩咪玩囉, 你唔想結咪唔想結囉
    做自己想做既野咪算


  • 我覺得大家分開一下,畀時間雙方整理一下情感較好:
    男的固然要檢討自己,在女友 與 妓女中應選擇誰?
    女方同時亦要問自己:沒有對方自己會怎樣?
    如果分開過後仍彼此掛住對方,就可再續前緣。相反其中一方已覺得不可惜,就不如永久分開好了。


  • @howing-ng 男人就係食得煮家飯多有時就心思思想出去食

  • 榮譽會員

    佢唔飽之過,你唔飽都想食嘢喇,好小小就自己揾五姑娘解決。


  • 男友經濟能力比你差 都去搵SP.....好過你點做好?
    劣質的婚姻 不如高質的單身


  • 不如分開下,冷靜下


  • 壞男人信唔過


  • @susuki男友叫雞搵SP年底結婚點算好... 中說:

    @howing-ng 男人就係食得煮家飯多有時就心思思想出去食

    咁食得住家飯多係咪都要試下老婆紅杏出牆自己戴綠帽?
    唔係呀嘛!


  • 我反而覺得如果果個男人以家可信🤔
    男人都係第一次唔珍惜
    到佢哋失而復得嘅時候就會珍惜😂
    同埋如果佢以家唔珍惜你又點會比全部錢你呢😂
    P.S.以上都係個人感覺,最重要係你想點,如果你唔中意,比世界最好嘅你都冇用


  • @facj男友叫雞搵SP年底結婚點算好... 中說:

    我反而覺得如果果個男人以家可信🤔
    男人都係第一次唔珍惜
    到佢哋失而復得嘅時候就會珍惜😂
    同埋如果佢以家唔珍惜你又點會比全部錢你呢😂
    P.S.以上都係個人感覺,最重要係你想點,如果你唔中意,比世界最好嘅你都冇用

    婚前試愛? XD



  • 35歲真係麻煩一啲…

    閱讀更多
  • A

    即將結婚才發現未婚夫疑似不忠,可以怎麼辦呢?有準新娘在網上發文,指跟同居2年的男友正籌備結婚,但近日意外發現他一直有玩交友軟件,更聲稱自己單身獨居,並問多個女生取facebook等聯絡方法,令人非常擔心他婚後會偷食,惟同樣怕失去這段感情,因而遲遲不願跟男友攤牌,不禁問「仲應唔應該繼續同佢一齊?」。

    284733fc-1fea-43c9-a802-2ddce9e617bb-image.png

    該名準新娘日前在連登討論區,以「就結婚先發現,男友玩交友app識女仔」為題發文,指任職資訊科技界的男友大她6至7年,一直感情穩定,已同居2年,正準備結婚。惟最近意外發現男友有在玩交友程式,更聲稱自己沒有女友,自己1個住,甚至問其他女生取FB及Instagram等社交平台帳戶。

    樓主表示,不敢跟男友攤牌,雖然很難接受對方不忠,亦擔心他婚後會出軌,惟自己已逾35歲,「我仲應唔應該繼續同佢一齊,但我怕好難再搵另一半」,又指如果跟現任男友分手,「等於要我一世單身」。

    帖文引起網上熱議,不少網民都認為樓主應放下,不應委屈自己,「揾到個唔好嘅煩惱仲多過單身」,又指「你離咗婚就真係難搵」,但亦有人建議樓主可先跟男友攤牌,「睇佢肯唔肯改」,如果對方堅持或瞞住繼續玩,才再作打算。

    閱讀更多
  • F

    男人比人爆菊花😂
    好似浩南條片咁😂

    閱讀更多
  • @facj男友叫雞搵SP年底結婚點算好... 中說:

    我反而覺得如果果個男人以家可信🤔
    男人都係第一次唔珍惜
    到佢哋失而復得嘅時候就會珍惜😂
    同埋如果佢以家唔珍惜你又點會比全部錢你呢😂
    P.S.以上都係個人感覺,最重要係你想點,如果你唔中意,比世界最好嘅你都冇用

    婚前試愛? XD

    閱讀更多