同居左2日...男朋友叫我搬走

[Guest]

同男朋友拍左拖一段時間，最近佢叫我搬去佢屋企住，諗住試下同居生活，本身都好期待嘅，因為一直都好想結婚，但又未儲到錢，所以而家同居都係一齊住都幾好呀

滿心期待，點知過左2日佢叫我搬返我自己屋企，不過其實呢兩日我都忍得佢多，佢咩都要干涉要管要批評，又話我污糟，連洗面用唔用洗面膏都要佢管，有時真係覺得佢好煩，係我無講出口咋嘛，而家叫我搬走，重好啦!!!

[訪客]

如果得2日 對方已經接受唔到你整潔程度，樓主應該反省一下吧？
以女仔黎講，洗面唔用潔面膏係真係有少少污糟wo

[訪客]

係囉仲好啦
咁洗乜o係度講o者
最好即刻分手忝
頭盔都唔洗戴

[訪客]

咁好點解要呻？出去慶祝吖笨!

[訪客]

攞尾彩果句"有時真係覺得佢好煩，係我無講出口咋嘛，而家叫我搬走，重好啦!!!" 好好笑, 除左恭喜我都唔知可以講咩

[訪客]

你洗面唔用洗面膏架?
噤會唔會其實你自己都有少少問題呀
你男朋友連2日都頂你唔順…
而你又話你都忍得佢多了…
既然噤唔適合, 而你又覺得"重好啦"
噤不如唔好一齊囉

[訪客]

其實我都唔係日日用洗面膏洗面的
anyway，唔適合的，早D知係好事。

[訪客]

應該反省一下

[訪客]

應該最後會分手

[訪客]

好難想象點既污糟可以令人2日都頂唔順…樓主反醒一下啦

[訪客]

下……洗面唔用洗面膏有咩問題~
我連保濕、MARKS、防晒都唔用添~
我男人最憎女人用埋呢D野，佢話係女人先咁煩，要用咁多呢D野搽上面
佢好憎人化妝，所以我好少化，多數都係去旅行要影相、去飲先會化妝
但係樓主……除左呢D……我想問，你男友重話你咩污糟呢﹖
洗面護膚呢D我覺得好睇人，唔係人人都覺得有需要~
如果只係因為呢樣……我反而覺得男人有問題~
人地用唔用洗面膏關你咩事﹖用得多又唔代表對皮膚好，唔用反而可能皮膚重好~

[訪客]

根本好多男仔都乾淨過女仔…如果突然有人黎破壞自己屋企都會覺得吾舒服la

[訪客]

其實我基本都會執好自己野，只係有時啲衫想著多日唔洗住佢就話，我慣左平時用清水洗面佢又話我，話佢自己都講究過我，點解女仔可以唔好好錫住自己皮膚，真係心裡面反左個大白眼比佢，煩過女人

[訪客]

咩原因都好啦，但如果同居兩日就頂唔順，應該都好難走落去。
介唔介意講下其實拍左拖幾耐？

[訪客]

男人都頂你唔順，你一定係污糟臭到仆街。衫又唔洗，夏天喎大佬！
你個閪一定臭過死蟹，仲唔趕你走 驚遲早惹到成屋小強老鼠。???
反省吓啦，人不要臉 天下無敵

[訪客]

其實你應該開心，因為呢兩日已經俾你知道呢個人同你生活方式和價值觀是兩個世界的人，無可能一齊生活，更別說一世，趁早分手吧@@

[訪客]

冇用洗面高唔係重點，相信佢好煩都唔係重點。
重點係一段關係要磨合要大家努力，你們有努力過嗎？有討論過嗎？
係咪佢無情趕你，你意氣用事返屋企就解決到問題？這樣小朋友般相處模式，能夠開心下去嗎？
建議樓主好好想想
首先你男朋友認為你唔用洗面高污漕，定事實佢你真係比較污漕？
第二，你嫌佢煩，係覺得佢影響你個人空間而煩，定他說你污漕等等事件煩呢？
沒有人天生是完美，更沒有兩個人天生夾，今日出現既問題，相信下一個都有機會發生，好好想一想吧

[訪客]

咁女仔係應該要保護自己皮膚既 我自己都有幾部洗面機la 試過foreo都覺得麻麻地 反而lifetrons就覺得清得幾乾淨 皮膚好素顏都唔怕LA

[訪客]

距都係關心你姐

[訪客]

相見好同住難, 同居都係比個機會大家睇清楚真面目, 最緊要都係雙方磨合得到姐