女友突稱大肚港男揭假相求救！網民：帽已戴

[angelchan]

許多女性得知懷孕消息後都會立即與另一半分享，但近日1名港男在網上大談自身經歷，引來網民推測他是否已戴綠帽。樓主表示日前突然收到女友傳給他的超聲波照，稱自己懷孕，但他後來驚覺該照片只是網上圖片，欲問女友事情的真相，卻只獲「玩下之嘛」的答案，讓他大感困惑。

樓主在香港討論區以「女朋友上網搵張假超聲波呃我話自己大肚」為題發文，稱女友日前突然透露短訊通知「喜訊」，傳送1張超聲波照片給他，並指自己因為月經遲到而去驗孕，結果發現懷孕一事。不過，樓主聽後卻感到有古怪，因為2人過去一直有做好安全措施，「中獎」機率應該非常低；他於是檢查清楚該張超聲波照片，未料揭發了女友的謊言。

我女朋友前晚無啦啦 SEND 張超聲波比我
我一頭霧水
佢話自己兩個月冇嚟M，之後去驗孕好似有咗，再去照超聲波照到有
問題係我次次都有做足安全措施，佢都有食藥，根本冇可能有……
我咪問佢，食藥都會大肚？
佢冇應我，之後我話不如帶佢去照多次，我唔係想唔負責，不過我聽過有啲癌症會出現假懷孕情況，擔心係唔係佢身體有乜事，檢查清楚……
之後我覺得真係有啲唔對路，我拎佢張相上網搵下，原來張相都係假嘅……係隨便上網拉出嚟……
佢成晚冇應我，之後尋日佢應返我，話玩下之嘛……
然後今日成日佢都怪怪地……
有冇人知發生乜事？

帖文引來網民熱議，不少人認為樓主與女友之間可能有第3者，樓主驚變「綠帽男」，「係同第2個男人有咗」、「逼你結婚」、「帽事嘅！想搵你埋人哋張單」、「屈你唔到，而家再諗計」。惟也有網民指，女方或真的未婚懷孕，只是想以此試探樓主的反應，「係因為佢真係大肚有咗，你又唔想找數，所以佢行為咪怪怪哋囉」。

[包包包]

綠帽已戴XD