細個嗰陣返學冇得打機，冇嘢做就同班同學吵吵鬧鬧，話說當時治安一般，周圍有啲輟學做黑社會嘅後生仔成日喺學校附近嘈，以為自己好威。
咁話說有日同個friend正正常常放學，行出校門嗰陣有幾條契弟過嚟叫我哋嗌大佬，我個friend就驚到嗌左，我就冇睬佢，結果對面唔gur，又驚有老師所以就話約聽日放學後隻揪。
之後我個friend話，你唔驚啊，佢咁大隻，仲有腹肌㗎喎！挑，當時我都有玩開啞鈴，日日飲牛奶，加上有腹肌就好打咩，打架呢啲嘢靠嘅係狠！
到咗第日，條傻仔除咗上衫就去咗學校附近個公園等我，當我啲friend同條契弟班兄弟到晒之後，條契弟就成隻馬騮咁展現佢嘅腹肌，喺度扮拳王，成個智障咁。我無理甘多, 直接衝去打佢。
最後同佢打咗場，俾佢打到hi hi，甩埋牙，但絕對唔關腹肌事